公公係潮州人, 每次一見面公公都對佢既家鄉潮州菜讚口不絕, 高鐵又未起好, 去潮州既交通唔算好方便, 所以暫時先係香港搵下潮州菜食。經同事介紹, 明記潮館既潮州菜味道唔錯, 推介我去一試!
而正正交通最方便既旺角都開左"明記潮館"分店, 每晚六點開至第二日凌晨, 巖哂我地呢d夜鬼放工出黎搵食。
請點擊此處輸入圖片描述
店內分為兩邊, 一邊為四人既細檯, 另一邊為四人以上既大圓檯, 地方整潔
呢邊更設有潮州特色既滷味吧, 很有風味….
一坐低, 店員先送上前菜。
呢度除左主打既潮州菜, 仲有多款中式小炒, 款式都幾多! 我地Order左幾款試試…
【滷水鵝片】HK$108
食潮州菜必點既滷水鵝片, 鵝片完全無骨, 厚薄切得幾乎一致, 份量幾多, 鵝片沒有太多既肥油層, 色澤鮮嫩, 入口肉質軟糯, 滷水很入味, 肉汁juicy!
【滷水鵝腸】HK$68
請點擊此處輸入圖片描述
鵝腸好爽口, 底層有少少芽菜墊底, 不過可能芽菜有點出水, 食到一半, 滷水淡左d, 但鵝腸冇咩肥膏連住, 唔錯!!
【滷水三拼 (自選3款)】HK$108
三心兩二想試多幾款滷水, 可以選擇三拼價錢自選滷物, 我就揀左以下三款, 初時意為份量應該每款都為少, 點知….又係大大碟
滷水墨魚 – 略帶爽彈鮮甜
滷水大腸 – 帶點肥膏, 但可接受, 又林又入味
滷水鵝腎 – 比較有咬口, 幾爽
【韭菜豬紅】HK$55
請點擊此處輸入圖片描述
味道好濃, 豬紅好入味, 豬紅中心位都有鹹鹹地既味道。而且份量比預期中多好多, 怪不得有唔少人入黎都會order黎食!
【椒鹽腰果雞軟骨】HK$98
除左潮州菜, 呢度仲有多款中式小炒。我就點左平時我最中意既雞軟骨試試…
雞軟骨同腰果份量一樣同樣既多, 雞軟骨外表炸得幾乾身, 一d都唔油膩, 夾住炸蒜蓉食, 好香口, 軟骨位仲略帶咬口
【潮州炒麵線】HK$98
見到呢個菜名感覺好奇, 未見過潮州麵線, 既然黎到潮州菜館, 當然要一試!
原來麵線同臺灣麵線幾乎一樣, 麵線炒過後還帶點濕潤, 材料有札肉、蛋碎、蝦仔同埋墨魚鬚
炒得好有穫氣, 多款食材配料一定食, 口感豐富
呢餐潮州菜比預期中好食得多, 份量又大大碟, 味道唔錯, 店員招呼周到, 不時為我地主動加茶, 價錢亦唔貴, 免前菜+茶芥, 有機會定必要回encorn!!
————————————————
餐廳名稱：明記潮館
Address: 旺角砵蘭街180號砵蘭180+商場3樓