藝人要在內地爆紅，除了是非新聞，靠實力亦大有人在。近期內地最熱話題劇，肯定是孫儷孭重飛的劇集《那年花開月正圓》，女主角走紅是意料中事，但劇中飾演孫儷奶奶「鄭氏」的龔慈恩，同樣憑住好演技成為網上紅人，更被觀眾翻出她以往拍過劇集靚相和訪問，其中在96年TVB劇《西遊記》的「觀音」造型，甚至被贊最有「仙氣」。面對突然人氣急升獲贊，54歲的龔姐氣定神閒話：「喺呢個圈30年，仲點會有飄飄然感覺呢！」
這部內地人氣劇《那年花開月正圓》，正在香港MyTV Super熱播中，但在內地亦剛剛播完，反應之熱烈拍得住孫儷另一套爆紅劇《甄嬛傳》，當時該劇亦捧紅了另一港星蔡少芬，而今次《那》劇就令去年正式進軍內地巿場的龔姐彈出。
以前唔興「仙氣」
84年入讀無線藝員訓練班入行的龔姐，演戲足足33年，90年離開孃家TVB後，去過臺灣及馬來西亞發展，亦曾效力過亞視。近年龔姐主要參與電影和港臺劇，去年才開始拍攝內地劇集。對於憑一劇打開內地巿場，經驗老到的龔姐當然未被勝利衝昏頭腦，「其實真系冇乜感覺，喺呢個圈30年，仲點會有飄飄然或者傻乎乎慨感覺呢！只系希望繼續接到啲好慨劇本，演好每個角色，努力做好自己本份先至系目標囉！同埋亦都好明白喺娛樂圈，捉緊每次機遇，比睇番噚日慨嘢重要。」對於被年輕一輩粉絲狂翻出以往劇集和靚相，又贊有「仙氣」，龔姐笑笑話：「我哋嗰個年代冇仙氣呢個名詞㗎！淨繫有型唔型格，比仙氣重要好多慨。不過，當然都會開心啦！以前咁傻慨樣大家都會接受，好多謝大家呀！」
接拍關孫儷事
談到最初接拍《那》劇，龔姐承認因得知孫儷有份，「孫儷演戲出名好，之前渠有份拍慨劇質素都好高，對渠選擇都有信心，所以知道渠肯拍，都唔使點考慮。」當然三點五億鉅製也是重要因素，「投資咁大當然準備得好啲，單系啲戲服全部系新，試造型都飛咗上內地幾次，仲要啲衫件件好靚，拍完都未著得晒呀！仲有拍我個仔出殯嗰段戲，為咗搵到啲靚景，導演穿州過省去拍，呢啲咁認真慨製作真繫好難得。」不過，對於龔姐這類資深演員，能夠有足夠時間空間作準備，才是最難得的安排，「我演慨『鄭氏』繫個北方人，性格比較剛烈，同我演開南方慨角色好唔同，我戲裡面好多喊戲，如果冇時間畀我準備，演起嚟會特別辛苦，亦都演唔出啲層次，今次系一個好開心慨拍攝經驗。」
相關推薦
