乳鴿 / 一鴿多吃
「靈芝藥膳湯底」
▼呢個藥膳乳鴿煲真繫好鬼正!有圖有真相,無花無假一塊塊大靈芝!
▼溫馨提示:等佢慢火煲20分鐘,夠鍾之後記得!記得!記得!先食鴿肉,湯留到後面喝!咁樣的湯先最正!
▼你無睇一開始就得一碟靈芝好似太少料,其實湯底已經夠晒濃,成煲湯都已經烏卒卒!
「冬瓜盅乳鴿煲」
▼如果你以為系冬瓜切塊來打煲,咁你就弱爆了。人地系成!只!冬!瓜!系咁上臺,視覺感勁強!
▼杞子,瑤柱,紅棗,薏米...足足6種藥材,呢幾種滋陰補血的藥材+清熱解毒的冬瓜+滋補的白鴿=?必須系潤而不燥阿!
「豬肚湯底」
「金牌紅燒乳鴿」
▼離遠就聞到好香好香好香!睇圖你可能覺得好細只,其實只只有5兩重,肥瘦適中啱啱好!
▼見到未,一邊剪竟然一邊漏汁!
▼果然,求其揀塊鴿肉來食,輕輕一咬,D汁就BIBIBI咁系只口入面四圍射!洗唔洗咁入味啊!
「豉油皇乳鴿」
▼因為唔系紅燒,所以口感無紅燒咁香口。呢碟豉油皇乳鴿入口系滿嘴的豉油味,但系竟然唔覺得重口味,反而覺得口感清新!
「沙姜乳鴿」
▼呢碟就重口味啦,沙姜味超級濃郁,搞到食完就好似食完韭菜咁,講野都成陣味哈哈哈。中意沙姜的千其咪錯過!
「焗飯」
▼米飯首先要俾個GOOD!真系好!鬆!軟!食得出絕對用的系靚米!連米飯都咁有追求,呢個焗飯又點會差?
生上配菜 / 純天然
打邊爐就肯定要涮翻幾味配菜
青菜/蘿蔔/牛肉/雞肉
呢D普通貨色真心唔想多講
來呢度就係要食特別的!
↓↓↓
「生上自制豆腐」
▼師傅精選黃豆,用最傳統的土法來製作的純手工豆腐。上臺之後留意下,呢度的自制豆腐色澤偏黃,睇得出無添加過其他染色劑!
▼筷子匙羹隨你夾,點樣都唔散!自制豆腐就係咁硬正,系街市買的豆腐點同佢比?
「生上羅定皺沙魚腐」
▼呢幾塊好似豆腐泡咁樣的竟然系魚腐?我擦,入面竟然有一層厚厚的魚肉!
▼滾兩滾之後咬咗一啖,估唔到咁E韌!比起一粒粒的魚腐,真繫好食唔止一百倍!
清湯羊肉 / 啖啖靚湯
▼足足2!斤!羊!肉!,仲有一大堆白蘿蔔/紅蘿蔔/馬蹄。
▼無以為平野無靚野!隨便撈一撈勺一羹都系滿滿的羊肉蘿蔔馬蹄混合體!2斤羊肉絕對足稱!
▼ 偏黃的奶白色湯底,抵野竟然離遠就聞到一陣奶香味系咩回事?而且小小羊騷味都聞唔到!蘸上腐乳醬,羊肉香竟然更加濃郁,搭配爽口彈牙的羊肉簡直絕了!
例湯 / 啖啖肉
▼ 用乳鴿/靈芝咁高端的材料,竟然只系一款例湯?!老闆你會唔會太壕了?!
▼ 湯水烏卒卒真心唔系浮誇,一睇就知唔系用幾塊靈芝碎來打發我地!入口依然系啖啖肉啖啖靈芝味,呢款例湯絕對要比10萬+個GOOD!
環境 / 大方上檔次
▼入眼就係一隻只中國風大燈籠!同大方企理的環境搭配埋一齊,一陣陣中國風撲到埋身!
▼二樓空間更!加!大!每張實木臺隨便都可以坐8個人,最大的包間竟然可以容納20幾人!公司朋友家庭聚會就最啱!
▼除咗店面前面的少量停車位,原來隔離仲有個大型停車場,就算你成個公司團隊過來都不用擔心!
▼地址:花都區紫薇路和茶園中路交匯處東南角(即公益別墅A區)
▼公交路線:乘坐701、701A、31路車,梅花居委站下車即到。
▼自駕路線:手機導航“明鴿天下”都可導航即到。