論明星撕逼，還是TVB這部劇最好看

唔知從幾時開始，娛樂圈變得暴戾，特別系最近幾年，經常有各種以“撕逼”“互懟”“怒嗆”為標題嘅新聞出現。

雖然近幾年香港娛樂圈相對沉寂，但曾幾何時香港娛樂圈明星之間嘅明爭暗鬥都非常激烈，精彩到日日封面都系爆點。

今日就回顧一部TVB自黑+諷刺娛樂圈嘅經典佳作——

《娛樂插班生》

《娛樂插班生》製作於1995年，此時恰逢香港娛樂圈處於最後一個黃金階段，儘管態勢開始走下坡，但仍然誕生咗好多天王巨星。

所以，香港好多年輕人都會爭崩頭想入娛樂圈，一炮而紅，走上人生巔峰。

主角一家亦唔厲害，全家上下嘅工作多少同娛樂圈有關，幾個後生都渴望入娛樂圈。

除咗我哋嘅男主角——陸千石（廖偉雄 飾）

然而世事就係咁奇妙，想入娛樂圈嘅幾個主角使盡心機都一直不溫不火。

而一心想平凡過日子嘅男主角反而誤打誤撞出演咗一部部熱賣電影，慢慢打響知名度。

現實與諷刺結合嘅劇情之中，最精彩嘅莫過於一眾演員惟妙惟肖模仿天皇巨星。

男主細妹陸其濂（梅小惠 飾）系王菲嘅忠實Fans，日日模仿偶像王菲嘅打扮同唱歌。

除咗高度還原王菲嘅經典髮型，梅小惠都用佢獨特嘅搞笑天分模仿咗好多王菲唱歌嘅腔調同小動作！

男二系當時仲未出名嘅林家棟，飾演嘅蔡君夏同樣擁有明星夢，歌喉都唔錯，但繫懷才不遇而始終紅唔起身。

呢個角色嘅原型就係歌神張學友，編劇驚大家估唔到，特登喺角色身後貼上張學友嘅海報，以作暗示。

呢部劇入邊，張學友都展現咗佢搞怪扮嘢嘅天賦，模仿起張學友嘅神態動作入型入格，憑藉此劇林家棟受TVB重用，開始出演主角，其後拍咗《大鬧廣昌隆》等經典劇集。

配角都有亮點，比如麥包飾演嘅劉定康，角色原型系王家衛，所以成日戴住王家衛嘅標誌性墨鏡！

仲時不時惡搞王家衛式嘅經典臺詞，真繫好搞笑。

▲室內都戴住墨鏡，我寫個服字畀你！

就連出場幾秒鐘嘅茄喱啡個名，都暗藏玄機！

除咗有扮鬼扮馬模仿明星，入邊仲有唔少惡搞經典劇集嘅情節。

下邊呢個情景，你又估唔估得到喺邊部電影？

冇錯，就係哥哥同梅姐嘅《胭脂扣》！

不過下一秒，畫面即刻就崩壞！（當堂嚇咗我一跳……）

Laser姐（韓馬利 飾）喺劇入邊拍撲蝶戲，就係實力還原經典電影《京華春夢》，連造型都一模一樣！

原版喺度↓

仲有《92黑玫瑰對黑玫瑰》嘅電影男女對唱重現！

原版喺度↓

戲入邊融入咗好多真實嘅娛樂圈事件，唔單增加咗笑點，亦令入邊嘅情節更加具有諷刺性。

三哥同娜姑用假離婚嚟博話題博版面，諷刺四哥（謝賢）同拉姑（狄波拉）嘅離婚風波。

▲劇組都好用心還原四哥嘅經典造型

黎耀祥喺入邊飾演嘅角色叫何國寶，系富翁之子，佢屋企通過捐款嚟換取喺電視節目唱歌嘅機會，就係影射緊鄧兆尊一家，通過鉅額捐款嚟喺《歡樂滿東華》唱歌，以此搏風頭。

何國寶老竇，角色原型就係大名鼎鼎嘅新馬師曾！

佢哋屋企有錢到唔見部車，直接打電話畀江湖大佬，第二日部車就完璧歸還啦！

呢個都系真實事件嚟噶！

Laser姐登臺演出必唱《熱咖啡》，就係諷刺Lisa姐汪明荃永遠只有一首登臺名曲《熱咖啡》。

而編劇仲借演員之口，鬧足半個香港娛樂圈，直指好多明星名人！

電視臺決定再搵春官（影射鄭少秋）演男主角，即刻被人話年紀大又過時，仲做男主角出風頭！

劉定康（原型為王家衛）睇唔起彭定堅（原型為王晶）拍嘅電影，直接話系下流導演拍啲屎尿屁電影！

梅豔芳同張國榮搞過封咪，但系之後再出嚟唱歌，直接被形容為“姣婆守唔到寡”！

最搞笑系，有一幕系扮演展昭的演員向記者痛訴TVB剝削壓榨員工，果然TVB自黑起身，邊個都擋唔住！

好耐冇試過睇一部戲，睇得咁過癮，可以用一部戲懟足半個香港娛樂圈，

編劇，我服晒你！

藝術源於生活，懷著對娛樂圈嘅憧憬同被功利主義薰陶，其實我哋細個，多少都有發過明星夢，渴望自己被星探發現，然後成為天王巨星，身邊都系自己曾經嘅偶像。

但系呢部戲用咗一種惡搞幽默嘅方式，向我哋解像娛樂圈嘅另一面，表面越美好，背後越殘酷。

鏡頭前和和氣氣，稱兄道弟，轉個頭就互相埋怨。

新人為一個廣告搶崩頭，結果發現其實呢個廣告就係露個背，成名嘅路上都系荊棘，而絕大部分人死喺荊棘，突圍而出嘅永遠只系鳳毛麟角。

而更諷刺嘅系，喺娛樂圈走紅，有時唔系靠實力，而系靠話題靠炒作，有話題，觀眾自然會八卦會關心，跟住個個都圍住你轉！

連比賽都會對你網開一面，因為冇一個製作公司想錯過一個話題製造者。

當你冇話題冇爆點，觀眾自然唔願意睇你，即刻人走茶涼，受人白眼！

呢啲曾經系香港娛樂圈嘅寫照，同樣系大陸娛樂圈嘅現狀。

八卦娛樂事業嘅歷久不衰，觀眾永遠中意睇他人人生嘅高潮低窪、嬉笑怒罵。

但系，作為觀眾嘅我哋，一直催生熱點、追隨熱點、遺忘熱點，再去催生另一堆熱點產生，周而復始，咁最後我哋又得到啲咩？

《插班生》其實系一個系列嘅電視劇，仲有《豪門插班生》同《樂壇插班生》，有興趣嘅自己友不妨去睇下啦！

唔講咁多，我去繼續追另外兩部啦！祝大家週末快樂！

P.S 《插班生》系列喺優酷都有資源

各位自己友，

你當年都追過邊部《插班生》？

圖片素材來源於網絡

本文看點由羊城網原創

請點擊此處輸入圖片描