開始閱讀前
估下呢度系咩地方?
冇錯!
就係舊陣時嘅新華百貨商店
撐姐一心想嚟回憶一番
點知......昔日不再
曾經嘅光環消失咗
樓入邊又空liao liao
最初嘅新華百貨商店
後來嘅童星城
到最後嘅花都新華商業大廈
以為新華百貨商店會好似秀全公園、花都圖書館
一直生活系花都人嘅身邊
突然好感嘆
話變咗就變咗
新華百貨商店成立於1954年
座標喺新華路
附近一帶因此而車水馬龍
且於1990年3月擴大規模
逐漸成為花都人生活嘅重要一部分~
而且喺小花縣最有標誌性嘅建築物
舊陣時嘅花都人
買嘢去新華百貨商店
拍拖去新華百貨商店
娛樂去新華百貨商店
新華百貨同花都人嘅關係好似屋企人咁
互相需要、互相關愛
撐姐細細個就好鐘意嚟新華百貨
呢度除咗好多嘢食之外
而且!最鐘意去兒童世界果層玩
果時可以玩到機動遊戲
已經好高大上啦!
一去到就唔捨得走
所以地下唔少撐姐殿地嘅痕跡哈哈哈
雖然宜家冇足跡可尋
不過腦海依然有唔少嘅回憶
關子賣完~
其實新華百貨商店一直冇離開過花都人!
63年的歷史
只不過系
由國營轉型為私營
由八層樓改為一層樓
由新華路變咗去茶園南路
但重要嘅喺——初衷不變
睇“新華百貨商店”呢個金漆招牌就知道
改咗新址,招牌繼續用舊的
儘管歲月嘅雨水不斷沖洗
但金色嘅光環依然閃閃發亮
一行入去
熟悉嘅擺位
熟悉嘅招牌百貨笑容
有那麼一瞬間
撐姐以為時光倒流
雖然呢度嘅貨品
各大超市、市場都有得賣
但系呢度有獨一無二嘅花都人情味、舊貨品
其他地方搵唔到
歡迎大家坐上回憶之飛船
糖果類▲
特別系大大泡泡糖!
宜家喺市面上好難搵到
細個果陣,唔系因為超級好食而食
而系因為食完有紋身貼紙玩
溼下水就貼到成個手臂都系
學TVB劇集D黑社會扮大佬
霖起都覺得好笑哈哈哈
撐姐已經慢慢長大
細個就同佢一樣高
宜家已經高過佢一大截
甜食類▲
喜之郎果凍宜家仲食緊
不過呢種包裝喺市面上幾乎見唔到
喺新華百貨就搵到!
撒D粉、搖果凍、打開蓋、叉果凍
細個最鐘意呢種可以玩又可以食嘅零食
餅乾類▲
旺仔小饅頭系撐姐嘅最愛
細個最鐘意摞D小饅頭派俾小夥伴
一齊share
雖然宜家日本零食、美國零食成為好多人嘅首選
但系國貨有國貨嘅好處
各有千秋
唯獨回憶系取替唔到噶!
食貨四部曲▲
1摞籃子
2摞嘢食
3放籃子
4稱籃子
稱零食果時
撐姐發現呢把喺一把有故事嘅稱
發黃嘅按鈕、掉色嘅貼紙
印證咗新華百貨嘅時光
好一段時光靜好、細水流年
後來聽新華百貨嘅秋姨講
“2012年搬位置,呢度D櫃都系由舊地址搬過嚟”
難怪就算搬咗地址
呢度依然有熟悉嘅感覺
新華百貨嘅文具或許冇大商場嘅咁靚
但系呢度有嘅
大商場一定冇!
呢種筆記本系咪好耐冇見過?
唔準你地話low!
因為呢D系撐姐嘅學生回憶哈哈哈
逛完全場
撐姐喺角落處發現一位神祕人物——喵神
大家唔好俾佢嚇親,佢好乖噶
都唔好主動去摸佢~
喵神表示需要靜靜
守護新華百貨就靠佢噶了!
新華百貨商店規模細好多
撐姐突然好傷感
雖然新商店一棟又一棟增加
而舊商店一棟又一棟減少
但系睇到花都越嚟越好
系每一個花都人都值得自豪嘅事
但系如果將花都人情味繼續傳播
就錦上添花啦!
地址喺度,mark啦~
名稱:新華百貨商店
地址:花都區新華鎮茶園路2號
營業時間:08:00~21:00