早前郭富城晒出一家四口手拖手嘅相宣佈再做老竇，咁啱隔咗一日，熊黛林就晒出雙胞胎囡囡嘅靚相慶祝一歲生日，有多口網民就話同郭富城曾經拍過拖嘅熊黛林，有意要同前度鬥幸福先至校啱時間晒相：「看來妳是故意的啊，無形中想和他比較。」
睇完呢句說話嘅熊黛林實時嬲豬，喺社交網發文還擊：「首先，我女兒生日2018年4月19日，這個沒人比我更清楚。其次，孩子是上天賜予每一位父母最好的禮物、祝福。最後，那麼多年過去了，放不下的是你們這些閒來無事到處找瓜吃的人，不是我，更不要牽扯到孩子。」最後仲留言「滾出去」鬧網民表達心中不滿。
落選港男樑裕恆（Flow）連日嚟就黃心穎和許志安事件多次發表驚人言論，除爆二人料之外，更因激進言詞引發網友批評圍插，今日佢又再嚟料，今次佢就馬國明情同兄妹的唐詩詠一句「呢件事只系關四個人事」發功，不但轉Target狂寸詩詠，佢又繼續發表偉論Support自己發聲無罪。
佢喺社交網截出唐詩詠發言的新聞圖片，又用「唐xx」形容對方，指她是全TVB裡面其中一個有苦自己知的女藝人，又言若對方嘅緋聞都系真嘅話，咁對方嘅愛情歷練多如天上繁星，明寸詩詠多花邊新聞。
之後佢就「只關四個人事」發表偉論，強調自己系講緊大是大非，指事件中四人均為藝人，都有社會責任，著四人「免費用緊大眾擁有的大氣電波，不應只取其好處」而評論中就好壞參半，唔少網友叫Flow就相關事件收聲，亦有網友表示認同，嗌四位當事人再出嚟交代。
曾Like鬧黃心穎留言！陳自瑤：檢點自己
黃心穎偷食人夫許志安，成為網民熱話！事件爆出後，當時網上流傳一段錄音，指心穎拍劇期間拖住人夫王浩信，但事後王浩信只系劇情，戲外就絕無此事。之後有網友發現Yoyo嘅微博用戶曾經like過一個鬧爆黃心穎嘅留言「做小三，還那麼主動…」，之後立即取消贊好。
王浩信老婆陳自瑤（Yoyo）今日就因為一篇「反思自己」嘅文章，意外引起惹網民無限聯想，認為系講緊黃心穎偷食人夫許志安嘅事，而成為網民熱話！Yoyo喺文中提到做人向前看之餘亦要回頭反思過去，並指：「回憶過去，就是要經常梳理自己的經歷，檢點自己的為人處世，把自己走過的路看得更清、更全、更遠！」即獲網友留言表示：「明顯講緊只Cheap精」、「黃心穎一啲都唔檢點」。
