謝安琪上星期就話，
最快可能遲多2個月就會
復工拍廣告，
目前都係以湊女，享受家庭為主。
雖然露面少咗好多，
但要見佢，上社交平臺就依然OK嘅。
問題就在於此啦。
Kay產後專心湊女，冇可以去收身。
所以佢最近出街，
都系all black示人。
生完仔，就梗系肥，
而且網友見到嘅相，
都係網絡上流傳嘅肥相。
於是Kay近日就不斷收到惡意留言。
網友刻薄地話佢肥+走樣，
仲有就係話佢整容，
整容前好醜等等言論。
更過分要話埋張繼聰都整容。
就係咁，一個人鬧起身，
引發一堆人上佢度留言，
就係咁，佢受到了網絡欺凌。
呢個時候，張繼聰就出場。
張繼聰直接cap班網友出來，
髮長文護妻。
話佢仲fit過以前，仲健康過以前。
同時，佢亦感激Kay為佢生BB
我感激我太太，暫時放低自己嘅事業，承受懷胎10月之苦，無微不至咁照顧我地（哋）嘅小朋友。依種已經唔系靚咁簡單，係為人父母嘅偉大。仲有，女士們生完BB，最緊要系調理身體，根本唔需要介意身形。到適當嘅時候，先開始運動配合飲食，你慌唔會fit番？
其實Kay都跑步嘅
同埋佢地仔仔都有腹肌……
而Kay本人面對呢D網絡霸凌，
睇怕已經見慣不怪，
佢表示心情完全冇受影響
不過，佢有承諾會慢慢減磅，
Kay話：
「如果我作為藝人都可以拋開呢啲眼光、呢啲批評，希望其它媽咪更加可以輕鬆啲，生完BB肥咗系唔應該承受咁多惡意批評，如果真繫有嘅話，都應該對自己有信心去面對種種講法。如果我咁樣肥豬豬，遲啲透過做運動、節制飲食減番，正如阿聰話齋會fit過以前。呢個先至系勵志故事，大家等睇我呢個勵志故事。」
—
喺Kay宜家面對網絡欺凌嘅同時，
胡定欣竟然又出post，
亦都系控訴佢接受到嘅言論。
去咗旅遊嘅佢，
突然有感而發，
呼籲大家停止去攻擊性留言，
睇怕都係受夠了。
之前佢同陳展鵬嘅一段，
真係個個都議論紛紛，
又摞嗮佢D情史出來講，
應該都又唔少人寸過佢。
—
大家來討論下啦，
藝人，
你話佢地職業範圍內，
包唔包括
接受呢D惡意留言？？
相關推薦
