傳溫哥華欠租兩個月！成龍私生女卓林祕密返港見媽媽

吳綺莉慨19歲獨女卓林舊年出櫃，承認戀上加拿大籍女友Andi，搞到母女關係惡化，之後卓林更離家出走。

今年4月，卓林同Andi飛到加拿大過住顛沛流離慨生活，聲稱無家可歸慨卓林，更喺YouTube拍片尋父親成龍，之後，渠又俾人影到拖住買餸車到垃圾站，疑似「拾荒」，其後有消息指，卓林同Andi喺溫哥華居住其間曾經欠租兩個月，搞到俾屋主趕走。

早前曾發訊息俾香港十幾間公關公司，表示希望可以返港後獲邀出席活動慨卓林同Audi，原來已經返咗香港喇。今日有人爆料，表示下午兩點半左右，喺銅鑼灣中央圖書館附近見到卓林同Andi，片中所見，著住白色情侶裝慨卓林同Andi，好恩愛咁手拖住手行，不過Andi就喺衫外加咗件渠至愛慨粉紅色外套。

爆料人：「渠哋講嘢好大聲，笑得又大聲，所以就留意到。渠哋一路行一路食煙，經過慨時候仲聞到好大陣煙味。」

據知卓林同Andi系今朝返港，吳綺莉有安排同事接機。吳綺莉接受電話訪問時話：「系，我內地同事去接渠，仲返咗屋企同我坐咗一陣。」系咪安心咗？佢話：「可以咁講，我感覺到渠有長大，但唔可以用我慨年紀去比較，慢慢嚟啦。」

問到卓林系咪返屋企住？佢話：「唔系，暫時唔返嚟住。（幫渠安排地方？）身為媽咪就覺得渠哋應該學習獨立，大家都18、9歲，每個人都有迷惘慨時候，我諗所有媽咪一樣……但家門永遠為你打開。」吳綺莉說話含糊，但聽得出仲未接受到Andi。有指卓林同Andi喺溫哥華居住時欠租，問渠會唔會代交？吳綺莉話：「做媽媽，當然都有底線，渠朋友（Andi）都30幾歲，每個人都要承擔做事後果。」