《2017香港小姐競選》今日進行復選,約有80位候選佳麗現身,唔知系咪抱住「贏在起跑線」嘅心理,定繫心情緊張嘅關係呢?
有部分佳麗晨咁早於9時許,已經化行晒妝、扮到靚靚咁出現康城站,眾靚女清一式身穿one piece裙亮相,凸顯大方得體的一面。
「大熱組」第一名報到,就係今年23歲有「翻版龐卓欣」嘅Regina Ho。佢著咗白色及膝裙襯橙紅色手袋、熒光粉紅高跟鞋嘅佢,好大方咁企定定畀傳媒朋友影張靚相。
問到Regina覺得自己似唔似龐卓欣?佢就話:「朋友話似李亞男。(有冇信心入圍呀?)有信心。」
而第二位「大熱組」佳麗就係「仙氣李若彤」Kelly喇,今日Kelly唔玩仙氣玩透視,佢條粉橙色嘅裙好透,胸前及裙底嘅薄紗設計,令人有想睇多幾眼嘅感覺。
傳媒大讚佢好省鏡,系大熱人選時,佢用陽光笑容迴應:「好開心。(你好似李若彤喎?)有搵番李若彤嘅相嚟睇,覺得佢好深入民心,好靚。」
同場仲有都系「大熱組」嘅Zoe,佢先禮後兵大讚Kelly靚女,身為麥明詩戲劇組同學嘅佢仲話收到麥明詩祝福添。
接住就見到有「翻版邵珮詩」嘅盧頴萱,不過可能趕唔切set頭,盧佳麗嘅髮型有啲亂喎。
最後一位「大熱組」靚女就係Nicole Kan,著咗住條藍色裙嘅佢,同三個女仔一齊嚟,似乎感情不錯呢。
不過,除了幾個大熱門外,17歲少女Mandy也是蠻引人注目的。雖然佢未夠18歲,只系啱啱中學畢業,不過佢都符合參選資格嘅。
而今日Mandy以低胸藍裙造型示人,身高有178cm嘅佢大晒長腿,雖然Mandy咁高,不過佢睇落都有啲Baby fat。
此外,好多巴打絲打都話想伏地魔Angelica入到今日複選,點知...佢真系冇緣晉級,唔少網民「義憤填膺」為佢發聲。有巴打替Angelica感不值,認為應該多元化選佢入嚟,更有人留言「還我佛地魔」、「永續佛地魔」,仲話好掛住佢喎!
Angelica冇咗影,唔緊要!原來佛地魔都有「替替身」,就係23歲嘅Moon,Moon被指疑整容,不過佢已當場捏鼻,以證靚樣冇花假!
最後,泥萌覺得誰能入圍呢?