《賭城群英會》雖然被評為TVB年度最爛劇集，但是卻雲集五代港姐，陳法蓉、佘詩曼、高海寧(高Ling)、麥明詩同 文凱玲 雖然 文凱玲 (Connie)嘅名氣不及其餘四位港姐，但一樣受網友關注！
現年34歲嘅Connie喺劇中飾演陳法蓉嘅徒弟，不時晒長腿同三點式上陣。而文凱玲 之前喺電影《鴨王2》及《喜愛夜蒲2》中都有性感演出！
而現實中，Connie的確系美貌與智慧並重，佢喺香港大學心理學系畢業，做過空姐，而身為家中長女嘅佢更加每月都把一半人工交畀父母，真系顧家又孝順！
▼天使面孔 魔鬼身材
文凱玲在《賭城群英會》中飾演電腦宅女黃小南，同阿佘、高Ling為三師姐妹，劇多數戴眼鏡、以馬尾look示人，成個密實乖乖女咁！
雖然Connie呢個角色有啲傻氣，並不賣弄性感，但劇情需要都會以短褲仔短裙仔上陣，大晒美腿，而喺早前播出嘅一集，就見到佢著住件低胸小背心同超短睡褲仔，即時將人氣高几班嘅阿佘同高Ling比下去！
▼泳衣戲勁吸眼球
王晶出品例必大灑鹽花，而《賭城群英會》早前有場泳衣戲，高海寧當然搶鏡，但亦有不少巴打大讚 文凱玲 身材均稱，兩位性感女神，真系勢均力敵。
Connie擁33D上圍加42吋美腿，喺《賭城群英會》中鮮有性感演出，呢一幕算罕有喇！
▼ 落選做夜蒲女，做晶女郎全裸騷股
2010年，無線放寬港姐參選的年齡資格，由25歲增至27歲，當時27歲嘅 文凱玲 放棄空姐一職以高齡姿態選港姐，但最後八強止步，同屆冠、亞、季軍分別系陳庭欣、張秀文同莊思明。
落選後， 文凱玲 並沒有和無線簽約，但獲李蘊經理人賞識簽約為旗下藝人，先後參演多部電影，包括錢國偉執導嘅《喜愛夜蒲2》、《喜愛夜蒲3》，以及《黑色喜劇》等，不過全部做閒角。
2014年， 文凱玲與王晶簽約成為星王朝旗下藝人，先後被安排拍電影《唐伯虎衝上雲霄》及三級片《鴨王2 – 雞同鴨戀 》、《賭城風雲II》等，其中《鴨》片因尺度大膽由原來IIB級變為III級，女主角Connie因此淪為三級女星。
佢又表示，除咗《鴨王2 – 雞同鴨戀 》之外，每套電影都同屋企人一齊睇，當中《唐伯虎衝上雲霄》有一幕繫好清楚見到佢背面嘅下半身啦，但文爸爸安然接受，令佢好放心，佢指自己的人生要由自己決定。
Connie話從未想過能成為三級女星︰
當年選完港姐，第二日就繼續做番空姐，只系間中客串嚇電影，點知晶哥搵我，喺電影《唐伯虎之衝上雲霄》飾演秋香，全裸騷股，都有同屋企人商量過，佢哋俾我好大自由度，叫我自己做決定。
雖然要犧牲色相，但Connie認為很值得：
比起之前真系多咗機會發揮，多謝晶哥提拔同俾咗唔少意見我。
Connie經常作性感演出及打扮，又是「晶女郎」，令人有無限聯想，但現實中Connie好顧家，更畢業於香港大學心理學系。《賭》劇請來30年未有拍無線劇的謝賢演出Connie話和多位前輩合作獲益良多。
▼派傳單幫補家計
近年文凱玲 在影壇上工作量有增無減，收入大增，但佢斷唔會因此而做大花筒。形象性感嘅Connie是家中長女，也是經濟支柱之一。所以早喺15歲時她為幫補家計做兼職派傳單，而讀完書出社會工作後，Connie更把一半人工交給父母，其餘大部分人工儲起，以避不時之需，識諗又顧家。
相關推薦
