容祖兒演唱會嗨翻全場好友阿嬌阿Sa關智斌驚喜助唱

非凡香港

1/8 8月13日，容祖兒演唱會踏入第九場，昨晚演唱會上喜事重重，祖兒請來好姐妹TWINS、及好兄弟關智斌任特別嘉賓，Twins先大爆超多人想追祖兒，只要祖兒答應，隨時可以搵個好歸宿。關智斌更在臺上正式宣佈，他9月14日的個人紅館演唱會昨日開賣全部爆滿，決定加開9月13號一場！今天(14\/8)下午開售。

2/8 昨晚祖兒請特別嘉賓出場，介紹他們為重量級女子組合，「我地一齊長大，我們經歷的不是你們能夠想象咁多，我曾經系佢地演唱會上飲大左，上次演唱會真繫好好玩，真系要好信得過，好有親切感，好有歸屬感，我先夠膽死臺上面飲大左！今日唔知佢地點對我，希望佢地錫住我啦」然後唱「風箏」一曲邀請Twins 上臺。

3/8 孖妹出現馬上獻唱「大紫大紅」一曲，令全場為之鬨動，歌畢，阿Sa話:「我地今日其實呢帶左d 大禮來比你，我想話呢雖然容祖兒冇乜緋聞，你唔好以為佢冇人追，真繫好多人追佢架，今日已經有幾個繫到。」祖兒嚇一嚇，阿嬌就反問「你係咪想講日本個個？」阿Sa問: 「系咪真系講得架？」祖兒馬上搶白 :「唔系，掩住你地個嘴，佢地(觀眾)冇人想聽我緋聞。你試下再講，我拿對鞋塞住你個嘴......」

4/8 阿Sa不肯罷休，「做乜o者！我想話好多人鐘意你，但你未同人開始就終止人地關係....」\n祖兒: 「我要專注事業，如果拍拖點做咁精彩演唱會！影響晒囉！」\n阿 Sa問觀眾:「大家都好想祖兒可以搵到個好歸宿，系咪先？」全場馬上起鬨應同，至於主角就低頭扮怕醜 : 「我真系龜縮 .......」

5/8 繼而Twins話，「算啦，但系鐘意你的人裡面，其中有一個好靚仔，今晚死要同你唱歌，佢好多腹肌.....」觀眾都已經估到系關智斌，祖祖就話，「咁呢個可以拿出來見下大家\no既，佢系邊？系下面？咁我要出力請佢上來」然後狂做標童動作，笑死觀眾。接著關智斌升出來四人齊唱《死性不改》，全場high爆！

6/8 歌曲終結，祖兒問Kenny ，你做咩唱得咁興奮？阿Sa代答，「佢要彩排定啦，佢9月自己紅館演唱會呀。」阿嬌就搶住話: 「系呀，中秋節呀！佢已經賣晒啦！依家加場！」而Kenny就跪拜嬌姐，「嬌姐，你俾個機會我自己講啦 …」繼而他興奮站在臺中，高舉勝利手勢大叫 : 「大家好！關智斌Kenny is BORN演唱會依家正式宣佈加場！」全場萬多觀眾都戥Kenny開心，瘋狂歡呼。

7/8 祖兒更興奮到扮大叔跳舞，但比阿sa拉起身話，「你咪跳啦，一陣整親腰呀。」\n嬌 : 「你依家加場，個演唱會有咩吸引人先，點同大家賞月？」

8/8 kenny :「你唔駛賞月啦，你日日系屋企有個Michael 實的的比你賞啦！」(昨晚阿嬌老公Michael也坐於觀眾席欣賞。)\n繼而Twins及祖兒齊齊宣佈，Kenny 九月的演唱會，已經預了晚晚都會到場一齊玩，「我地都繫到，有你一定有我地三個！」

2019-08-16