廣州11區最全自助餐指南，吃貨們的最愛！

小編的夢想是，吃垮一家又一家的自助餐！吃飯絕不僅僅是為了填飽肚子，而是一件有成就感和滿足感的事情，吃自助餐更加是幸福感滿滿~目標是空腹進扶牆出！

而廣州作為美食之都，自助餐閒閒哋都有幾百間，究竟食邊間好呢，就成為老廣們最頭疼嘅事情，今日小編決定曝光廣州11區最具特色嘅自助餐，解決你嘅選擇困難症！

天河區

海鮮種類最多——Mr.Fish魚鮮生海鮮放題

魚鮮生係近兩年興起嘅日式放題，海鮮種類繁多，且刺身品種高檔，新西蘭鰲蝦、龍蝦刺身等都有，極其高級享受。

而且不似一般自助餐咁出去搶，只需係菜單點需要嘅份量，即點即做擺好盤上菜，保證新鮮！甜品燕窩哈根達斯雪糕很有特色，必點哦！

地址： 珠江新城花城大道85號高德置地冬廣場5樓507-512鋪

好評最高的五星級酒店自助餐——富力君悅大酒店凱菲廳

君悅凱菲廳是廣州城中口碑最好嘅五星級酒店自助餐，不少人衝著佢嘅爆膏龍蝦同大閘蟹前去拔草。

有人話君悅品質好到連蘿蔔牛腩、豬腳姜都整得特別好食...

地址： 珠江新城珠江西路12號廣州富力君悅大酒店22樓

海珠區

最浪漫——廣州塔璇璣地中海自助旋轉餐廳

廣州塔106層旋轉餐廳，可以話係最高逼格嘅自助餐，食嘅唔係美食，而係風景~認真講翻美食，長腳蟹，花螺，三文魚等海鮮一樣唔少，味道唔錯中規中矩。

咁浪漫嘅環境，想象下望著廣州最美夜景求婚嘅話，成功率都高D啦！

地址： 閱江西路222號廣州塔106樓(三號線地鐵廣州塔站)

性價比最高日式自助——東渡鐵板燒自助餐

廣州性價比最高嘅日式自助餐，主打刺身同鐵板燒，刺身係比較常見嘅種類，但都係厚切而且新鮮；扒類推薦大蝦同羊扒，都好新鮮肉質鮮嫩！

日式裝修深得小編心，既可以坐係吧檯睇住廚師煎扒，又可以坐榻榻米度慢慢食~

地址：（海珠店）工業大道北都會路二號(地鐵沙園站D出口)

（中信廣場店）天河北路233號中信廣場1層

（新華店）喜立登飲食風情街E棟12-13號

最驚喜自助火鍋——快餸火鍋刺身專門店

花膠雞、芝士湯底濃稠入味，加入個各種海鮮、牛肉打邊爐，正到冇朋友！

連刺身都係即點即上，夠晒新鮮！

地址： 青竹大街10號103

越秀區

最便宜——洛米堤自助西餐廳

40蚊唔使就可以食到近100種美食！位置好就腳，公園前同龍洞都各有一間，隨時隨地食自助餐！

洛米堤最大賣點係pizza，有超過10種輪流上桌，通常一上就會被搶拿一空！這種情況一定要帶上媽媽去！

地址： 中山五路百匯廣場3樓

最老字號——CAROUSEL360 凌璇閣(花園酒店旋轉餐廳)

以前一講到自助餐，廣州人肯定首選花園酒店自助餐！食材都相當豐富，長腳蟹、三文魚、元貝、扒類齊全！

雖然裝修冇咁豪華，但旋轉餐廳仲可以俯瞰廣州，風景一流。

地址： 環市東路368號花園酒店30樓(近建設六馬路)

荔灣區

老廣心中的五星級——白天鵝賓館流浮閣咖啡廳

生蠔、魚子醬、鵝肝醬、厚切三文魚，法國焗蝸牛，聽到都流晒口水，白天鵝出品絕不馬虎！

嘆自助餐之餘仲可以望到白鵝潭美景，一流享受！

地址： 沙面大街1號白天鵝賓館1樓

番禺區

最有趣——長隆白虎自助餐廳

有白虎、火烈鳥睇，白虎餐廳最啱一家大細去食自助餐！

各種設施都有專門為小朋友設計的，連餐具都是卡通造型！

地址： 番禺大道長隆度假區長隆旅遊度假區長隆酒店2號大堂首層(近長隆會展中心)

性價比最高——四海一家

四海一家立足廣州多年一直場面火爆，客似雲來，食材出品有六百幾種，長腳蟹、生蠔、哈根達斯全部都有！好容易就可以食回票價啦！

最重要係生日三免一活動咁多年都有，仲送蛋糕！

地址： 南村鎮迎賓路萬博中心A2棟1-2樓(近吉盛偉邦)

規模最大的素食館——感恩心素食館

雖然距離有D遙遠，但系環境、規模一定唔會令你失望！

有一百款以上素菜選擇，甜品、燉品都落足料，好精緻。

地址： 大石街南大路2號百世家居2樓

白雲區

甜品最好吃——廣州卡麗皇家金煦酒店

這家的自助餐由法式大廚主理，菜品都非常精緻可口！

不得不提她家的甜品真的好吃到爆！而且手快有手慢冇，一定要提前攞定甜品！

地址： 廣園中路388號卡麗皇家金煦酒店內(近廣園客運站)

花都區

最環球——鉑爾曼U8風味餐廳

能讓你每次都有新鮮感的自助餐廳，在這裡你就能找到！不定期換環球美食主題，讓你每次都有驚喜！

地址： 白雲機場空港酒店路1號鉑爾曼大酒店1樓(機場出發大廳12號門)

從化區

配套設置最完善——碧泉空中溫泉酒店餐廳

泡完溫泉特別餓，來一頓可以扶著牆走出來的海鮮自助餐就完美了！

地址： 溫泉東路76號(碧泉空中溫泉酒店2樓)

南沙區

最具本地特色——花之戀國際城堡酒店玫瑰西餐廳

百萬葵園食嘅緊繫最出名嘅葵花雞啦！仲有各式葵花美食都可以係自助餐品嚐到哦！

地址： 萬頃沙鎮新墾16湧,百萬葵園花之戀酒店1樓

增城區

廣州11區最特別——大年三十自助餃子

海鮮自助餐吃得多，餃子自助餐你肯定沒吃過！如她的店名一樣，如果年三十能來一頓，一定別有一番味道！

地址： 廣深大道中210(太陽城加油站對面)

蘿崗區

環境最天然——廣州匯華希爾頓逸林酒店元素全日制餐廳

嚟到蘿崗當然係五星級酒店自助餐最靠譜，餐廳望出去一片翠綠，有公園有湖景，風景優美。

龍蝦、鮑魚、牛扒、鱈魚，連甜品都整成小朋友最鐘意嘅可愛造型~

地址： 蘿崗科學城水西路18號

最後溫馨提示一下，吃自助餐雖美味，但千萬有節制，別吃垮身子哦！