同熱愛這片土地大家刻骨銘記，
愁或喜生與死，
何時何地我都喺中山人。
生在中山，活在中山
每日都見證住中山嘅變化
呢座城市比咗我太多感動溫情吐槽同成就
從孫文中騎樓連廊中穿梭
與安逸老街坊擦身而過
還記得記得小時候
在步行街吃章魚小丸子 飲蔗汁
金都城一言不合就成為非主流集散地
呢條路上都唔知幾多小夥伴俾人偷過手機
大街小巷的“玻璃廠雪磚”叫聲彷彿還歷歷在耳，
你會選擇紅豆、綠豆還是奶味？
中山紀念堂永恆喺遊客嘅必備，
夜幕下成為師奶大叔嘅露天巨型舞池，
小學時學校
舊一中依舊在，雖然“此一中並非彼一中”
玩具店擺設開始塵封，
曾經買唔起齋睇都開心嘅模型
而家隨手下單都可以滿足自己
豐華、衡藝以前學生哥每日放學都要去逛逛
當年一支新嘅筆可以開心一日嘅我地，
開始為一條鑽石鏈打拼而麻痺，
但當年開心嘅日子依然冇忘記。
逢源商業街間班尼路唔知有幾耐無入過去
但經常都會經過
我地都見證住彼此嘅成長
試過元旦12點喺個鐘前牽手倒數，
甚是唯美
想當年，收工放學個個都會去行下女人街
內至內衣內褲，外至公仔手袋，一條街搞掂
成長中亦喺隔離電信街買過唔少部手機
一到節假日，唔少鄉鎮既朋友都會嚟逛
“石岐好好耍，十二點鐘有炮打”
中午十二點一到炮聲準時響起
興中體育館舉辦過無數場演唱會，
儲極錢都買唔到一張門飛
無岐江橋，不石岐
70、80、90後都喺岐江橋“跌過不少腳毛”
老石岐的標誌
活在中山，有“斷崖式”氣候陪你一日度過春夏秋冬
越趕時間，越唔帶遮就越中意落狗屎，
一洗完車又中意落場大雨，
總之，開心唔開心，
中山都中意落大雨俾你冷靜自己。
活在中山根本冇辦法減肥，
因為好吃嘅太多，
管得住自己，管唔住自己把口
活在中山
既可以在城區高空之上同女朋友兜圈摩天輪
亦可以岐江河堤江邊兜風
當然，活在中山，
賴死唔走嘅重要原因喺我有留意中山生活網
吃喝玩樂第一時間得到消息
我生於呢座城市，
我活在呢座城市，
佢俾咗我睇希望，
帶俾我地無奈，
帶比我地歡樂，
帶比我地壓力，
我地喘不過氣，
我地絕望無奈，
我地頑強堅持。
到最後塵歸塵土歸土，
我一定要長眠於此埋葬於此...